هكلمكم عن الاسعافات الأولية في حالات فض الإعتصامات بالقوة
- في حالة حدوث اختناق بقنابل غاز اهم وأول حاجة تبعد المصاب عن مكان الإصابة لمكان فيه تهوية كويسة.. وتخلع عنه أي حاجة ملفوفة حول رقبته, اذا إستجاب سيبه شوية ياخد نفسه لو مازال نفسه تعبان لكن واعي حطه على جنبه الشمال وخبط على ضهره عشان تساعده إنه يكح.. لو بعد كل ده لم يستجب اجري بيه على أقرب مستشفى ميداني
- في حالات الإصابة بالخرطوش مفيش منه أي مشكلة اذا اصاب منطقة مش خطر لأنه مش بيخترق مسافة كبيرة تحت الجلد وممكن يتساب من غير مايسبب أي ضرر لو الاصابة في العين توجه فورا لمستشفى رمد محترمة في اقرب وقت
- في حالة إصابة في الرأس بسبب اصطدام بجسم تقيل أو في حالة سقوط على الرأس.. لازم المصاب يتحط تحت الملاحظة لمدة ساعة عشان نتأكد إن مفيش أي شيء يدل على نزيف حول المخ: الأعراض دي هي.. زغللة في العين أو قيء أو فقدان للوعي
- في حالات الكسور.. غير مفضل تماما رد أي كسر في المستشفى الميداني اللى اذا الكسر كان مسبب ضغط على شريان مهم في الأطراف.. غير كده يتسببت الكسر بجبيرة ويروح المصاب لمستشفى
- في حالات الإصابة بطلق حي ينقل فورا بالإسعاف لأقرب مستشفى بعد السيطرة على النزيف
- أي إصابة تسبب نزيف يفضل ايقاف النزيف بالضغط على مكان الإصابة وليس ربط ماقبل الإصابة
لو حد عنده أي سؤال أو استفسار ياريت يبعتلي
No comments:
Post a Comment